De Samichlaus verzellt

Jä, das glaubi ja nöd. Jetzt bisch Du uf minere Siite glandet und das find ich schön.

Herzlich willkomme!

Mis erschti Buech söll entstah und gäll, Du wettsch wüsse, wie Du zu dem Buech, «De Samichlaus verzellt» chunnsch.

Ja, dadefüür muess es doch zerscht erschiine. Und genau darum bin ich uf Hilf aagwiese!

Ja, genau! Uf DIINI Hilf!

Um was gaht's?

Du wottsch wüsse, um was es i dem Buech gaht? S'hät au es lässigs Filmli dezue.

Klick da

Ich wett es Buech bschtelle!

I weiss jetzt scho, das i 1,2 oder meh Büecher wot bschtelle. I wot zum Formular.

Klick da

Natüürli chasch aber au eifach d’Siite aberugele, dänn chömmed alli die Informatione au, gäll.

So, fertig gschwätzt – de Muck, min Schmutzli, meint immer, ich seig en rächte Schnurri.

Darum gaht’s im Buech:

Mini Schmutzli und ich läbed s’ganz Jahr dur im Wald. Das isch mängisch schön. Mängisch passiered aber au tragischi Sache und dänn und wänn chans au ganz schön bränzlig werde.

De Franky isch mit mir zämegsässe und zäme hämmer vierezwänzg schpannendi Gschichte zämetreit. Zwölf devoo wirsch Du i dem Buech finde und wänn alles guet gaht, so wird’s es zweits Buech gäh, wo die nöchschte Gschichte drin sii werdet.

D’Melanie isch ganz begeischteret gsi, vo dem, woni verzellt han. Sie hät im Huus umeglueget, de Wald besichtiget und all mini Fründe, die viele Tier im Wald bsuecht. Uf das abe hät sie all‘ die wunderbare Bilder gmalet, wo jetzt i dem Buech abbildet sind.

  • Wottsch Du wüsse, warum es de Grittibänz git und wie de zu sim Name cho isch?
  • Oder häsch gwüsst, dass mini Schmutzli nöd immer sonen wunderbare Bart gha händ?
  • Viellicht nimmt Di ja au Wunder, wie ich i all‘ die Erdnüssli inecho bin 
  • und säg emale: Läbt de Läbchueche würkli?

Alles das wird i dem Buech verrate und no viel meh. Und demit das schöne Buech im Hardcover au entschtah chan und es alli Eltere ihrne Chinde chönd vorläse, ja, für das bruuchi ebe Diini Hilf.

Da isch no en Film, woni grad e Gschicht verzelle. Die chunnt im Buech au vor…
… jedefalls de Schpuur nache 

Bis gliiiii

Din Samichlaus, mit ächli Hilf vom Franky