S'goldige Buech

Mini Schmutzli läbed mit mir s’ganz Jahr dur im Wald. Das isch mängisch schön. Mängisch passiered aber au tragischi Sache und dänn und wänn chans au ganz schön bränzlig werde.

Zwölf vo dene spannende Gschichte händ mir zämetreit und da, im goldige Buech verewiget.

D’Melanie, e grossi Künschtlerin, isch ganz begeischteret gsi, vo dem, woni verzellt han. Sie hät i eusem Huus umeglueget, de Wald besichtiget und all mini Fründe, die viele Tier im Wald, bsuecht. Uf das abe hät sie all‘ die wunderbare Bilder gmalet, wo jetzt i dem Buech abbildet sind. Schlussamänd isch das wundervolle, qualitativ hochwertige Buech im Hardcover mit Fadebindig und dickem, griffigem Papier innere Schwiizer Druckerei entschtande.

Während s’Mami, de Papi, de Opa oder s’Gotti oisi Erläbnis vorträged, chönd d’Chinde die Anekdote dur die berüehrende Bilder miterläbe. Es Vergnüege für alli Beteiligte.

So, fertig gschwätzt – de Muck, min Schmutzli, meint immer, ich seig echli en Schnurri. Wettsch Du dänn jetzt e sones tolls Buech ha? Oder gar grad mehreri, well Du findsch, anderi dörfed au i de Gnuss cho? Keis Problem, Du bisch nur no ein Schritt vo Dim eigete, goldige Buech entfernt.